ომი უკრაინაში - 75-ე დღე

„აზოვსტალი“ ისევ თავდასხმების ქვეშაა. მარიუპოლის დაბომბილი ქარხნიდან დღეს კიდევ 170-ზე მეტი მშვიდობიანი მოქალაქე გაიყვანეს. თუმცა, გაერო-ს მიერ შეთანხმებული საევაკუაციო გეგმა შეფერხებებით სრულდება, რის გამოც ქარხნის თავშესაფრებში, ასევე ნანგრევების ქვეშ კვლავ რჩებიან დაჭრილი მებრძოლები, რომლებიც „აზოვსტალის“ ჰოსპიტლის დაბომბვის გამო სამედიცინო სერვისებსაც ვერ იღებენ და უმძიმეს მდგომარეობაში არიან. ლეგიონ „აზოვის“ მეთაურები ქარხნის ტერიტორიიდან დაჭრილი სამხედროების ევაკუაციისთვის ცეცხლის დაუყოვნებლივ შეწყვეტას და საერთაშორისო ორგანიზაციების დახმარებას, „აზოვსტალიდან“ გარნიზონის გასაყვანად კი მესამე ქვეყნის ჩართვას ითხოვენ. დონბასზე შეტევები გააქტიურებულია. კიდევ ერთხელ დაიბომბა ოდესა, სადაც ავიაიერიშიდან რამდენიმე საათში ევროპული საბჭოს პრეზიდენტი ჩავიდა. ომის დაწყების შემდეგ ეს უკრაინაში შარლ მიშელის უკვე მეორე ვიზიტია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.