გამოფენა - ალექსანდრე ქართველი – ამერიკული ავიაციის ქართველი გენიოსი

17 ნოემბერს, საქართველოს კულტურისა და ძეგლთა დაცვის მინისტრი მიხეილ გიორგაძე, საქართველოს ეროვნულ მუზეუმში, უდიდესი ავიაკონსტრუქტორის, ამერიკული და მსოფლიო ავიაციის ისტორიაში ერთ-ერთი ნოვატორის, ალექსანდრე ქართველის ცხოვრებისა და შემოქმედებისადმი მიძღვნილი გამოფენის გახსნას დაესწრო. ექსპოზიციაზე წარმოდგენილი იყო ქართველის მიერ შესრულებული ესკიზები და ნახაზები, მისივე დიზაინით შექმნილი თვითმფრინავების მაკეტები, საარქივო მასალა, დოკუმენტები, სტატიები, ფოტოები და მულტიმედიური პროექციები. გამოფენა თბილისის მერიის, საქართველოს ეროვნული არქივის მხარდაჭერითა და საქართველოს ეროვნული მუზეუმის და ალექსანდრე ქართველის ასოციაციის ორგანიზებით მოეწყო. ექსპოზიცია 2016 წლის 1 მაისამდე გაგრძელდება. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045