#მოამბე 21 საათზე, 4 დეკემბერი, 2020 #LIVE

▶ ოპოზიცია მმართველ გუნდს საკუთარ მოთხოვნებს ახლა უკვე წერილობით უგზავნის და ხელისუფლებისგან პასუხს ელის - ელჩებთან მიტანილი დოკუმენტის გასაჯაროებას ოპოზიციური პარტიები „ქართული ოცნებიდან“ პასუხის მიღების შემდეგ გეგმავენ; უცვლელი რჩება ვადამდელი არჩევნების მოთხოვნა, რასაც მმართველი გუნდი წითელ ხაზად მიიჩნევს და სრულად გამორიცხავს; შეხვედრა აშშ-ის ელჩის მოადგილის რეზიდენციაში და შეხვედრის დეტალები; ▶ პოლიტიკური გაერთიანება „გირჩი“ იშლება, პარტიის ლიდერები ერთმანეთს დაუპირისპირდნენ - ზურა ჯაფარიძე იაგო ხვიჩიასთან, ვახტანგ მეგრელიშვილთან და სანდრო რაქვიაშვილთან პარტიულ თანამშრომლობას წყვეტს; ჯერჯერობით, უცნობია, ვინ ტოვებს პარტიას; ვითარების გარკვევას ცდილობს „გირჩის“ ოთხი დამფუძნებელი, რომლებიც რამდენიმე წლის წინ „ნაციონალურ მოძრაობას“ გაემიჯნენ; ▶  43 წლის თედო გობეჯიშვილის გარდაცვალების ფაქტზე გამოძიება დასრულდა და საქმემ სასამართლოში გადაინაცვლა - ბრალდებულთა მიერ ისნის საოლქო საარჩევნო კომისიის თავმჯდომარისთვის გაგზავნილ მუქარის შემცველ მოკლე ტექსტურ შეტყობინებებს დაცვის მხარე შაყირსა და ხუმრობას უწოდებს, რასაც საქმის ერთ-ერთი მთავარი მოწმე უარყოფს; წინასაარჩევნო ისტერია და მუქარების ანატომია ცესკოს თანამშრომელთა მისამართით; ▶ ქვეყანაში ინფიცირებულთა რიცხვმა 5000-ს გადააჭარბა, რასაც სპეციალისტები ტესტირების რაოდენობის ზრდას უკავშირებენ - ბოლო დღე-ღამის განმავლობაში ტესტირება 17 000 ადამიანს ჩაუტარდა; ჯანდაცვის სისტემა რესურსების მობილიზებას განაგრძობს; 112-ში 150- მდე ოპერატორის დამატება იგეგმება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.