ომის 84-ე დღე უკრაინაში

ბოლო ორი დღის განმავლობაში მარიუპოლში მდებარე ფოლადის ქარხნის, „აზოვსტალის“ ტერიტორია 959-მა მებრძოლმა დატოვა. მათ შორის 80 დაჭრილი იყო. მონაცემები რუსეთის თავდაცვის უწყების ოფიციალურმა წარმომადგენელმა, იგორ კონაშენკოვმა წარმოადგინა. მისი ინფორმაციით, 51 უკრაინელ სამხედროს სტაციონარული მკურნალობა სჭირდებოდა და ისინი რუსეთის მიერ კონტროლირებად ნოვოაზოვსკის საავადმყოფოში გადაიყვანეს. ამასთან, უკრაინის თავდაცვის მინისტრის მოადგილე ანა მალიარი „ბიბისი“-სთან ინტერვიუში აცხადებს, რომ „აზოვსტალში“ კიდევ რჩება ბევრი ადამიანი და მათ გამოსაყვანად მოლაპარაკებები გრძელდება. ანა მალიარის განცხადებით, „აზოვსტალის“ ქარხნიდან მებრძოლების გადარჩენის ოპერაცია დასრულდება მაშინ, როდესაც მარიუპოლის ყველა მცველი უკრაინის მიერ კონტროლირებად ტერიტორიაზე იქნება გადაყვანილი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.