ფსიქოლოგიური ტერორი - ტრაგედიის გაშუქება ქართულად

ახლა კი იმ პრობლემის შესახებ, რომელიც ბოლო პერიოდში მომხდარმა ტრაგიკულმა შემთხვევებმა კიდევ უფრო მეტი სიმწვავით წარმოაჩინა. იგულისხმება უმძიმესი ფაქტების გაშუქების ახალი ტენდენცია, რომელიც ზოგიერთმა მედია-საშუალებამ დაამკვიდრა. მოვლენების ეთიკურად გაშუქების ყველა სახელმძღვანელოში შავით თეთრზე წერია, რომ მედია პირდაპირ ეთერში მუშაობისას უნდა ცდილობდეს, აქცენტი არ გააკეთოს შოკში მყოფი ადამიანების ტანჯვის ჩვენებაზე, თავიდან უნდა აიცილოს შემზარავი გამოსახულების მრავალჯერადად ჩვენება და მინიმუმამდე უნდა შეამციროს გარდაცვლილთა ახლობლების ხელახლა ტრავმირება. თუმცა ბოლო პერიოდში ეს სტანდარტი არაერთხელ უხეშად დაირღვა. ისევე როგორც უდანაშაულობის პრეზუმფცია და არასრულწლოვანთა უფლებები. ცალკე თემაა ადამიანური ტრაგედიების პოლიტიზირების მცდელობა, რის გამოც ერთი თვის წინ გარდაცვლილი 19 წლის ახალგაზრდის დედას სპეციალური მიმართვის გავრცელება და საზოგადოებისგან დახმარების თხოვნაც კი დასჭირდა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.