ირანმა ერაყში მდებარე სამხედრო ბაზებზე იერიში მიიტანა

ირანის საპასუხო ქმედება - დაბომბილია ერაყში მდებარე სამხედრო ბაზები, სადაც ამერიკელებიც იმყოფებოდნენ. სარაკეტო დარტყმა ღამით მიიტანეს. ირანის სახელმწიფო ტელევიზიის ცნობით, ეს არის თეირანის პასუხი აშშ-ის მიერ ირანელი გენერლის, ყასემ სოლეიმანის ლიკვიდაციაზე. ბაზის მიმართულებით, სულ მცირე, თორმეტი რაკეტა ისროლეს. „სიენენის“ ინფორმაციით, ირანის მიერ განხორციელებული სარაკეტო დარტყმების შედეგად, ერაყელები დაშავდნენ. დაშავებულთა რიცხვი და ჯანმრთელობის მდგომარეობა უცნობია. „ისლამური რევოლუციის გუშაგთა კორპუსმა“ გავრცელებულ განცხადებაში მოუწოდა აშშ-ს, საპასუხო ნაბიჯებისგან თავი შეიკავოს. ცოტა ხნის წინ ირანის საგარეო საქმეთა მინისტრმა „ტვიტერზე“ განცხადება გაავრცელა. მუჰამედ ზარიფის განცხადებით, ირანმა პროპორციული პასუხი გასცა ირანელი გენერლის ლიკვიდაციას და დარტყმა მიიტანა იმ ბაზაზე, საიდანაც ირანის მოქალაქეებზე თავდასხმა განხორციელდა. მისივე თქმით, ირანს სიტუაციის ესკალაცია არ სურს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.