პრეზიდენტი მოვდოვაში მოლდოვაში აქციის მონაწილეებს შეხვდა

კიშინიოვში მიმდინარე სამიტის პარალელურად, რესპუბლიკის სასახლის წინ სხვადასხვა ჯგუფებმა აქცია გამართეს. ახალგაზრდების ერთი ნაწილი საქართველოში შერჩევით სამართალს გმობდა და პოლიტიკური რეპრესიების შეწყვეტასა და ვანო მერაბიშვილის პატიმრობიდან გათავისუფლებას ითხოვდა. მეორე ჯგუფი კი, მიხეილ სააკაშვილის მოლდოვაში ვიზიტს აპროტესტებდა. სამიტის სესიისა და პრესკონფერენციის დასრულების შემდეგ, საქართველოს პირველი პირი აქციის მონაწილეებს გაესაუბრა. მიხეილ სააკაშვილს გარეთ აქციის მხოლოდ ის ნაწილი დახვდა, რომელიც სოლიდარობას უცხადებდა პრეზიდენტისა და მისი გუნდის კურსს. ქვეყნის პირველმა პირმა მხარდაჭერისთვის მათ მადლობა გადაუხადა. მისი თქმით, სამწუხაროა, რომ მეორე აქცია სამიტის სამუშაო სესიის დაწყებიდან რამდენიმე წუთში დასრულდა და იმ მონაწილეებთან ვერ შეძლო გასაუბრება, რომელთა პროტესტიც რუსეთის პოლიტიკური ძალების მიერ იყო ინსპირირებული. Visit Website: http://president.gov.ge Visit Facebook: http://www.facebook.com/saakashvilimi... Visit Twitter: http://www.twitter.com/SaakashviliM ----------------------------------------------------------------------------------------