განცხადება საარჩევნო დარღვევის შესახებ

„ნაციონალური მოძრაობის“ ზუგდიდის საარჩევნო შტაბში საგანგებო ბრიფინგი გაიმართა. შტაბის წარმომადგენლის, ანი წითლიძის განცხადებით, ზუგდიდის 67-ე საარჩევნო ოლქის 15 უბანში გადასატან ყუთში 150-მდე ჯანმრთელი ადამიანის სიაა ნაპოვნი. წითლიძის თქმით, ეს ადამიანები ან „ქართული ოცნების“ წევრები არიან, ან მერიის თანამშრომლის ოჯახის წევრები. წითლიძემ ჟურნალისტებს ვიდეოკადრებიც წარუდგინა, სადაც, სავარაუდოდ, მერიის ერთ-ერთი თანამშრომლის მშობლები არიან ასახული, რომლებიც ერთ-ერთი უბნის გადასატანი ყუთის სიაში მოხვდნენ, თუმცა, წითლიძის თქმით, ისინი სრულიად ჯანმრთელები არიან. „ერთიანი ნაციონალური მოძრაობის“ ზუგდიდის ოფისმა 67-ე საოლქო საარჩევნო კომისიაში ამ საკითხზე 11 საჩივარი შეიტანა. კომისიაში ენმ-ის კიდევ 30-მდე საჩივარია შესული უბნებზე დარღვევებთან დაკავშირებით. ზუგდიდის N 67 საოლქო საარჩევნო კომისიის თავმჯდომარის, მირანდა მესხის განცხადებით, საუბნო კომისიები სწავლობენ თითოეულ პირს, ვინც გადასატანი ყუთით არჩევნებში მონაწილეობასთან დაკავშირებით განცხადება შეიტანა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.