სხდომა ცესკო-ში

ცესკო-ს განკარგულებით, მაჟორიტარული სისტემით არჩევნების მეორე ტური 21 ნოემბერს გაიმართება. გადაწყვეტილება საარჩევნო ადმინისტრაციაში გამართული სხდომის შემდეგ გამოცხადდა. ამ დროისთვის არსებული მონაცემებით, მეორე ტური 17 ოლქში გაიმართება. სხდომაზე, რომელიც ხმაურის ფონზე წარიმართა, კომისიის წევრებმა დღის წესრიგით გათვალისწინებულ სულ 22 საკითხზე იმსჯელეს. მათ შორის, პირველი საკითხი საოლქო კომისიების შემაჯამებელ ოქმებზე ოპოზიციისა და საია-ს საჩივრებს ეხებოდა. ცესკო-მ არცერთი საჩივარი არ დააკმაყოფილა. საჩივრების ავტორებს ახლა, ცესკო-ს გადაწყვეტილების სასამართლოში გასაჩივრების შესაძლებლობა აქვთ. სხდომა დაპირისპირებისა და ხმაურის ფონზე მიმდინარეობდა. დარბაზში „ევროპული საქართველოს“ წევრები შევიდნენ და თამარ ჟვანიას გადადგომა მოითხოვეს. სხდომის პარალელურად, ცესკო-ს შენობასთან აქცია იმართებოდა. მოგვიანებით, სხდომის შეფასებისას, საარჩევნო ადმინისტრაციის ხელმძღვანელის მოადგილემ განაცხდა, რომ ადგილი ჰქონდა არამარტო საარჩევნო ადმინისტრაციაზე, მის წევრებზე ზეწოლის მცდელობას, არამედ გარკვეულწილად მუქარის შემცველ განცხადებებსაც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.