საპროტესტო აქცია თბილისში, „გმირთა მოედანზე“

აქციის მონაწილეების ნაწილმა „გმირთა მოედანზე“ შეკრება 19:00 საათიდან დაიწყო და მალევე საავტომობილო გზა გადაკეტა. სამართალდამცველების გაფრთხილების მიუხედავად, რომ მოქალაქეთა რაოდენობის გათვალისწინებით, საავტომობილო გზის სავალი ნაწილი არ ჩაეკეტათ, შეკრებილები მოწოდებას არ დაემორჩილნენ, რის შედეგადაც პოლიციამ რამდენიმე ადამიანი დააკავა. მოგვიანებით „გმირთა მოედანზე“ მყოფ მომიტინგეებს საკანონმდებლო ორგანოსთან შეკრებილი აქციის მონაწილეებიც შეუერთდნენ. საავტომობილო მოძრაობა შეჩერებული იყო ესტაკადაზე, ასევე ვარაზისხევის, „ლაგუნას ვერეს“, „თამარ მეფისა“ და „კოსტავას ქუჩის“ მიმართულებითაც. მოქალაქეები დაკავებულების გათავისუფლებას მოითხოვდნენ, ამასთან, შეკრებილები აცხადებდნენ, რომ ტოტალური დაუმორჩილებლობა გამოცხადდეს იქამდე, ვიდრე „უცხოური გავლენის გამჭვირვალობის შესახებ“ კანონპროექტს არ გაიწვევენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.