თბილისის 67-ე საჯარო სკოლის მე-5 კლასში საგაკვეთილო პროცესი ჩაიშალა

17.09.2018 01:18

პირველი არხი Georgian Public Broadcaster

არხი

პირველივე დღეს თბილისის 67-ე საჯარო სკოლის მეხუთე კლასში საგაკვეთილო პროცესი ჩაიშალა. პროტესტის ნიშნად მშობლებმა შვილებს საკლასო ოთახი დაატოვებინეს. მიზეზად მოუწესრიგებელი ინფრასტრუქტურა და ბავშვებისათვის სახიფათო გარემო სახელდება. განათლების სამინისტროს ინფორმაციით, სკოლა თბილისის იმ 25 სკოლას შორისაა, რომელთა რეაბილიტაცია ეტაპობრივად, ევროსაბჭოს განვითარების ბანკის პროექტში განხორციელდება. თუმცა რეაბილიტაციის დაწყებისა და დასრულების ვადებს სამინისტროში არ აკონკრეტებენ. მშობლების ნაწილი დღეს პარლამენტის განათლების კომიტეტის თავმჯდომარის მოადგილეს შეხვდა. დეპუტატის განცხადებით, კომიტეტი ამ საკითხით დაინტერესდება. სკოლის დირექტორის მოვალეობის შემსრულებელმა პირველ არხს დღეს დაწესებულებაში კადრების გადაღების უფლება არ მისცა და არც კომენტარი გააკეთა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: