გარდაცვლილი ფეხბურთელის საქმე

ალტერნატიული ექსპერტიზის დასკვნა გაასაჯაროვა რესპუბლიკურ საავადმყოფოში გარდაცვლილი ფეხბურთელის, 20 წლის ვახტანგ ჩარკვიანის ოჯახმა. ფეხბურთელის მამის, გაიოზ ჩარკვიანის თქმით, დასკვნაში აღნიშნულია, რომ ვერც ერთი ორგანიზმი გაუძლებდა პრეპარატების იმ დოზებს, რაც ვახტანგ ჩარკვიანს რესპუბლიკურ საავადმყოფოში გაუკეთეს. ექსპერტიზაში აღნიშნულია, რომ პრეპარატები, რომელიც ფეხბურთელს დიდი დოზით გაუკეთდა, სასუნთქ გზებზე გართულებებს, სუნთქვის ცენტრის დათრგუნვას, კომასა და ბიოლოგიურ სიკვდილს გამოიწვევდა. ექიმების დაკავების მოთხოვნით, გარდაცვლილი ფეხბურთელის მამამ აქცია ადვოკატებთან ერთად გენერალურ პროკურატურასთან კიდევ ერთხელ გამართა. რესპუბლიკური საავადმყოფოს ექთანი, რომელსაც ბრალი პროკურატურამ ბრალი ყალბი ოფიციალური დოკუმენტის დამზადებისა და გამოყენების ფაქტზე წაუყენა, დაკავებული არ არის. ადვოკატი აცხადებს, რომ მისი დაცვის ქვეშ მყოფმა პაციენტის სამედიცინო ისტორიაზე ხელი არასწორად მოაწერა, რასაც კლინიკაში შექმნილი ფორსმაჟორული მდგომარეობით ხსნის. ადვოკატი არ გამორიცხავს სასამართლოს გირაოს შუამდგომლობით მიმართოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.