7 ნოემბრის საქმე - სააკაშვილის სასამართლო

საქალაქო სასამართლო მოვლენების ეპიცენტრში. დაკავებიდან თითქმის ორი თვის შემდეგ მიხეილ სააკაშვილი მართლმსაჯულების წინაშე პირველად წარდგა. პროტესტი შენობის გარეთ და სიტყვიერი დაპირისპირების გამო რამდენჯერმე შეწყვეტილი პროცესი დარბაზში - ყოფილი პრეზიდენტის საათნახევრიანი სიტყვა ძირითადად საკუთარ მმართველობაზე და მიღწევებზე საუბარს და მოქმედი ხელისუფლების მწვავე კრიტიკას დაეთმო. რაც შეეხება 7 ნოემბრის აქციის დარბევის, „იმედში“ შეჭრის და პატარკაციშვილის ქონების გადაფორმების საქმეს, რომელზეც ექს-პრეზიდენტს სხვა ყოფილ მაღალჩინოსნებთან ერთად უფლებამოსილების გადამეტებას ედავებიან, 7 ნოემბრის მოვლენებზე სააკაშვილი საკუთარ პასუხისმგებლობას ვერ ხედავს და ამ, ისევე როგორც სისხლის სამართლის დანარჩენ სამ საქმეში, თავს დამნაშავედ არ მიიჩნევს. შეცდომები და გადაცდომები იყო, დანაშაული - არა, - ასეთია ყოფილი პრეზიდენტის გზავნილი. გამოსვლის დროს რამდენჯერმე გაუსვა ხაზი უკრაინის მოქალაქეობას, რამდენიმე განცხადება უკრაინულ და ინგლისურ ენებზეც გააკეთა. ძირითადად პოლიტიკური შინაარსის გამოსვლის დასრულებისთანავე მიხეილ სააკაშვილმა დარბაზი დატოვა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.