ახალსოფელში მამაკაცის გარდაცვალების საქმის მასალები პროკურატურას გადაეგზავნა

ახალსოფელში 61 წლის მამაკაცის გარდაცვალების საქმის მასალები პროკურატურას გადაეგზავნა. შინაგან საქმეთა სამინისტროში საქმეზე დღეს წერილობითი განმარტება გაავრცელეს. უწყების ცნობით, მამაკაცი გარდაცვალებამდე საპატრულო პოლიციის ეკიპაჟმა ალკოტესტის ჩასატარებლად შეაჩერა, რაზეც თავდაპირველად უარი განაცხადა და ტესტი საკუთარ ეზოში მანქანის დაყენების შემდეგ გაიარა. მამაკაცს არ დაუდგინა სიმთვრალე, რის შემდეგაც პოლიციის ეკიპაჟმა ტერიტორია დატოვა. უკვე ნახევარ საათში კი, ადგილზე სასწრაფო დახმარების გამოძახება გახდა აუცილებელი. გარდაცვლილის ძმა აცხადებს, რომ ის შეესწრო შემოწმების ფაქტს და სამართალდამცავებმა უფლებამოსილებას გადააჭარბეს. მისი თქმით, ის უკვე იმყოფებოდა გამოკითხვაზე პროკურატურაში. მომხდარზე მოკვლევა დაიწყო შინაგან საქმეთა სამინისტროს გენინსპექციამ. სამინისტროს ინფორმაციით, გამოძიების დასრულებამდე პატრულ-ინსპექტორებს უფლებამოსილება შეუჩერდათ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.