წინასაარჩევნო პერიოდის მონიტორინგის მეორე შუალედური ანგარიში

„სამართლიანმა არჩევნებმა“ და „დემოკრატიის საერთაშორისო საზოგადოებამ“ წინასაარჩევნო პერიოდის მონიტორინგის მეორე შუალედური ანგარიში წარადგინა. დოკუმენტში მიმოხილულია 9-დან 30 სექტემბრის ჩათვლით პერიოდი, თუმცა, ანგარიში მოიცავს გარკვეულ მოვლენებსაც, რომლებიც ამ პერიოდს მიღმა ახდენდა გავლენას საარჩევნო პროცესზე. დოკუმენტის მიხედვით გამოვლინდა პოლიტიკური ნიშნით დაპირისპირების ერთი; ამომრჩევლის სავარაუდო მოსყიდვის ერთი; აგიტაციის წესების დარღვევის 12; ადმინისტრაციული რესურსის გამოყენების ცხრა; კამპანიისთვის ხელის შეშლის რვა და სააგიტაციო მასალების დაზიანების 14 ფაქტი. ასევე, დაფიქსირდა „გირჩის“ ინიციატივა, საარჩევნოდ ტოტალიზატორის მოწყობასთან დაკავშირებით, რომელსაც ორგანიზაცია კანონდარღვევად აფასებს. ორგანიზაციამ ცესკო-ს 17 საჩივრით მიმართა, რომელთა უმრავლესობა საჯარო მოხელეების მიერ უკანონო აგიტაციას შეეხებოდა, როგორც სოციალური ქსელებით, ისე აქტიური ქმედებებით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.