ნებიერიძის საქმე

ბრალდების მხარის 6 მოწმე დაიკითხა გორში ცხრა წლის გოგონას მკვლელობაში ბრალდებული იაგო ნებიერიძის სასამართლო პროცესზე. როგორც სხდომის დასრულების შემდეგ პროკურორმა განაცხადა, სხდომაზე მოკლულის მეზობლებმა სხვადასხვა გარემოებაზე ილაპარაკეს. წინა პროცესისგან განსხვავებით, დღევანდელ სხდომას ესწრებოდა ბრალდებული იაგო ნებიერიძეც, რომელიც ამ დრომდე დუმილის უფლებას იყენებს. ბრალდებულების ადვოკატმა მედისთან კომენტარის გაკეთება არ ისურვა. მოსამართლის გადაწყვეტილებით, საქმის განხილვა დახურულ რეჟიმში წარიმართება. ცხრა წლის გოგონა, რომელსაც ოჯახი 25 ოქტომბრის დღის მეორე ნახევრიდან ეძებდა, იმავე საღამოს მდინარე ლიახვის ნაპირზე მოკლული იპოვეს. მკვლელობის ბრალდებით, 34 წლის იაგო ნებიერიძე 26 ოქტომბერს დააკავეს. შემდეგი პროცესი საქმეზე 21 მარტს 12 საათზე გაიმართება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.