პოლიტიკური გზავნილები საქართველოდან

პოლიტიკური გადაწყვეტილება, სტრატეგიული და მორალური თემა - ამ მოცემულობისა და უკვე შესრულებული საშინაო დავალების გათვალისწინებით, საქართველოს ხელისუფლება ევროკავშირისგან დადებითი პასუხის მოლოდინშია. იყენებს ყველა საერთაშორისო პლატფორმას იმისთვის, რომ პარტნიორებს უთხრას მთავარი, თუკი საქართველოს ევროინტეგრაციის გზაზე კიდევ ერთი ნაბიჯით არ დააწინაურებენ, ეს მხოლოდ რუსეთს გაუხარდება, თუმცა მმართველი გუნდი საუბრობს, რომ ის რაც შესაძლოა რუსეთისთვის სასიხარულო აღმოჩნდეს, არც ქვეყნის შიგნით, ოპოზიციური პარტიების ნაწილისთვის იქნება საწყენი. არგუმენტად „ნაციონალური მოძრაობის“ შეთავაზებით ევროპის „სახალხო პარტიის“ მიერ გამოქვეყნებული წერილი მოჰყავთ და ოპონენტებს საერთაშორისო ასპარეზზე ქვეყნისთვის საზიანო განწყობის შექმნაში ადანაშაულებენ. თავის მხრივ, ოპოზიცია ირწმუნება, რომ ქართველი ხალხისა და საქართველოს ადგილი ევროკავშირშია, თუმცა ეს დამსახურება მოქმედი ხელისუფლებისთვის არ ეთმობა, კანონმდებლებს შორის არიან ისეთებიც, ვისაც კარგად ესმის ისტორიული გადაწყვეტილების მნიშვნელობა და ხელისუფლების ოპონენტებს ურჩევენ, ამ საკითხთან მიმართებაში მაინც დაივიწყონ პარტიული ინტერესები. პოლიტიკური გზავნილები საქართველოდან ნახეთ ნოდარ ჩაჩუას რეპორტაჟში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.