საქართველოს სატრანზიტო ფუნქცია - ახალი პროექტი შავ ზღვაზე

საქართველოს ახალი სატრანზიტო როლი, რომელსაც უკრაინის ომის გამო ევროპაში შექმნილი ენერგოკრიზისის ფონზე განსაკუთრებული დატვირთვა ენიჭება. საუბარია შავი ზღვის ელექტროსადენის პროექტზე, რომელიც აზერბაიჯანიდან საქართველოს გავლით ელექტროენერგიის რუმინეთისთვის და ევროპის სხვა ქვეყნებისთვის მიწოდებას გულისხმობს. სწორედ ეს პროექტი დაასახელა თბილისში ვიზიტით მყოფმა ევროკომისარმა, ოლივერ ვარჰეიმ ევროკავშირის ენერგეტიკული გეგმების ერთ-ერთ ცენტრად. შავი ზღვის ფსკერზე მაღალი ძაბვის თითქმის 1 200 კილომეტრიანი ელექტროგადამცემი სადენის და პროექტის ეფექტურობის შესაფასებლად კვლევები უკვე დაწყებულია - მაშინ, როცა ევროპის ქვეყნები რუსეთზე ენერგოდამოკიდებულების შესამცირებლად ალტერნატიულ გზებს და წყაროებს ეძებენ, საქართველოზე გამავალი ერთიანი ევროპული ენერგოქსელის და წყალქვეშა სადენის მნიშვნელობა იზრდება. სადენის მშენებლობის დაწყების თარიღი წინასწარი კვლევების დასრულების და შესაბამისი დასკვნის მომზადების შემდეგ უნდა გაირკვეს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.