აზერბაიჯანის პრემიერ-მინისტრის ვიზიტი

აზერბაიჯანის პრეზიდენტის მიერ საქართველოდან ორი თვის წინ დაანონსებულ მნიშვნელოვან პროექტებზე საუბარი დღეს მეზობელი ქვეყნის პრემიერთან გაგრძელდა. საქართველოში აზერბაიჯანის პრემიერის ოფიციალური ვიზიტი რამდენიმე დოკუმენტის ხელმოწერით დასრულდა. უკრაინაში მიმდინარე ომის და გაუარესებული უსაფრთხოების ფონზე მეზობელი ქვეყნების სტრატეგიული პარტნიორობა კიდევ უფრო მეტ მნიშვნელობას იძენს. განსაკუთრებული აქცენტი ენერგეტიკულ თანამშრომლობაზე კეთდება. ენერგეტიკულ კრიზისში მყოფი ევროპისთვის აზერბაიჯანი მომდევნო წლებში გაზის გაორმაგებული მოცულობით მიწოდებას აპირებს და ამ პროცესში საქართველოს სატრანზიტო ფუნქციაც უნდა გაიზარდოს. ხელისუფლების პირველ პირებთან შეხვედრების პარალელურად გაიმართა ორი ქვეყნის მთავრობათაშორისი ეკონომიკური კომისიის სხდომა, რა დროსაც ილჰამ ალიევის ვიზიტის დროს განხილული სტრატეგიული პროექტები დაგეგმეს. ენერგეტიკის და ტრანსპორტის სფეროში არსებული პოტენციალის მაქსიმალურად ათვისება ვიზიტის ერთ-ერთი მთავარი თემა იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.