საქართველო ხვალ საკუთარ არჩევანს გააკეთებს / ვის რა გეგმა აქვს კენჭისყრის დღეს #LIVE

• რამდენიმე საათი საპარლამენტო არჩევნებამდე და პრემიერ-მინისტრის გზავნილი საზოგადოებას - გიორგი გახარია აცხადებს, რომ ხვალინდელი არჩევნები გადამწყვეტია; ხელისუფლება არჩევნების უსაფრთხო გარემოში ჩატარების პირობას დებს; პროვოკაციებისა და კანონდარღვევის შემთხვევაში სახელმწიფოს რეაქცია უმკაცრესი იქნება; საერთაშორისო საზოგადოება საქართველოს არჩევანის მოლოდინშია; • „ქართული ოცნება“ აცხადებს, რომ „ნაციონალური მოძრაობა“ შეიარაღებულ ჯგუფებს ქმნის და არჩევნების დღეს არეულობის მოწყობისთვის ემზადება; დასახელდა რევოლუციური სცენარის მთავარი ფიგურანტებიც, რომლებიც ბრალდებას უარყოფენ; მმართველი გუნდის ლიდერთა განცხადებები და პოლიტიკური შეფასებები; • საქართველოში „კოვიდ-19“-სგან გამოჯანმრთელებულთა რიცხვი ყოველდღიურად იზრდება - ბოლო დღე-ღამეში ვირუსი 2 906-მა პაციენტმა დაამარცხა; დაინფიცირდა 1 696 და გარდაიცვალა 12 ადამიანი; ინფექციის გავრცელების მთავარ კერებად რჩება თბილისი, ქუთაისი და ბათუმი; ამოქმედდა „ცენტრალური ონლაინ-კლინიკა“, რომელიც დღეიდან ინფიცირებულთა მეთვალყურეობის მონიტორინგს დისტანციურად განახორციელებს და პაციენტის დამძიმების შემთხვევაში სათანადო რეაგირებას უზრუნველყოფს; • უკრაინის მთავრობა ქვეყნის საკონსტიტუციო სასამართლოს გადაწყვეტილებას ბოიკოტს უცხადებს - პრემიერ-მინისტრის სპეციალური განკარგულებით სახელმწიფო ორგანოებს ვალდებულება მიეცათ, საკონსტიტუციო სასამართლოს გადაწყვეტილება არ შეასრულონ, პრეზიდენტი ზელენსკი კი ქვეყნის მთავარი სასამართლოს წევრებისთვის უფლებამოსილების შეწყვეტის ინიციატივით გამოდის; მოსამართლეთა გადაწყვეტილებას მოქალაქეებიც აპროტესტებენ ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.