სააკაშვილის ჯანმრთელობის მდგომარეობა

მოშიმშილე მიხეილ სააკაშვილის ჯანმრთელობის მდგომარეობა პოლიტიკური ურთიერთდაპირისპირების თემად რჩება. ყოფილი პრეზიდენტი ხელისუფლებას ადვოკატებთან კომუნიკაციის აკრძალვაში ადანაშაულებს და რუსთავის ციხეს რუსულ ციხეს ადარებს. პროტესტის ნიშნად ექს-პრეზიდენტი მკურნალობასა და რეანომობილის მომსახურებაზე უარს ამბობს. უფლებადამცველებთან ურთიერთობის შეზღუდვას კატეგორიულად უარყოფს პენიტენციური სამსახური, რომელიც შეხვედრების ოთახში მინის ბარიერის ბოლომდე აღმართვას მსჯავრდებულის და მისი ადვოკატების მხრიდან კოვიდ-რეგულაციების დარღვევით ხსნის. დღეს გასაჯაროებული ინფორმაციით ირკვევა, რომ დაკავების შემდეგ ადვოკატები სააკაშვილს 57-ჯერ შეხვდნენ. სამოქალაქო კლინიკაში გადაყვანა მიხეილ სააკაშვილის და მისი პარტიის, ასევე ოპოზიციის ნაწილის მთავარ მოთხოვნად რჩება, რაზეც მმართველი გუნდის პოზიცია უცვლელია. „ქართული ოცნება“ დარწმუნებულია, რომ არჩევნების შემდეგ სააკაშვილის თემა აქტუალური აღარ იქნება.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.