პენიტენციური სამსახურის განცხადება

ცოტა ხნის წინ პენიტენციურმა სამსახურმა განცხადება გაავრცელა, გლდანის მე-18 სამკურნალო დაწესებულებიდან მსჯავრდებულ გიორგი მამალაძის კლინიკა „ვივამედში“ გადაყვანასთან დაკავშირებით. სპეციალური პენიტენციური სამსახური აცხადებს, რომ გიორგი მამალაძეს „კოვიდ-19“ დაუდასტურდა და შემდგომი დაკვირვების მიზნით, სამოქალაქო სექტორის კლინიკაში მოთავსდა. „საზოგადოების და მედიის მაღალი ინტერესის გათვალისწინებით, განვმარტავთ, რომ მსჯავრდებული გიორგი მამალაძე მე-18 დაწესებულებიდან კლინიკა ,,ვივამედშია“ გადაყვანილი. მას მიმდინარე წლის 13 ნოემბერს „კოვიდ-19-ის“ დამახასიათებელი სიმპტომები გამოუვლინდა. მსჯავრდებულს ჩივილებიდან გამომდინარე ჩაუტარდა ტესტირება და მას „კოვიდ-19“ დაუდასტურდა. მსჯავრდებულის ჯანმრთელობის მდგომარეობა სტაბილურია, თუმცა შემდგომი დაკვირვების მიზნით, კლინიკა ,,ვივამედში“ მოთავსდა და მედპერსონალის მეთვალყურეობის ქვეშ იმყოფება“, - ნათქვამია პენიტენციური სამსახურის მიერ გავრცელებულ ინფორმაციაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.