გაჩიანში მომხდარი ინციდენტი

სოფელ გაჩიანის მკვიდრებმა დღეს რუსთავი-გაჩიანის დამაკავშირებელი გზა გადაკეტეს. აქციის მონაწილეებმა გუშინ სასაფლაოზე მომხდარი ფაქტი გააპროტესტეს და პოლიციის მიერ დაკავებული პირების გათავისუფლება მოითხოვეს. შინაგან საქმეთა სამინისტროს ინფორმაციით, დაკავებულია სამი პირი. ერთს გამოძიება ცეცხლსასროლი იარაღიდან გასროლით სამი პირის დაჭრას ედავება, ორს კი, პოლიციისთვის წინააღმდეგობის გაწევას. გაჩიანელების მტკიცებით, ინციდენტში მონაწილე პირი, რომელმაც ცეცხლი გაუხსნა გაჩიანში მცხოვრებ ახალგაზრდებს, დაკავებული არ არის და წუხელ პოლიციამ სრულიად უდანაშაულო ორი ახალგაზრდა დააკავა, რომლებიც დაპირისპირებაში არ მონაწილეობდნენ. ადგილობრივების ინფორმაციით, დაპირისპირება ნარკორეალიზატორებსა და სოფლის მოსახლეობას შორის მოხდა, რომელთაც ნარკოტიკების გაყიდვის შეწყვეტა მოითხოვეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.