კლინიკა „მედის“ ფილიალი ზუგდიდში გაიხსნა

„მედი-ესთეტიკის კლინიკათა ჯგუფის“ მორიგი, საქართველოში რიგით მე-20 ფილიალი საზეიმო ვითარებაში გაიხსნა. მიწვეულ სტუმრებს კლინიკის საქმიანობის და იმ სერვისების შესახებ მიაწოდეს ინფორმაცია, რომელიც ფილიალში იქნება ხელმისაწვდომი.ორგანიზატორების თქმით, კლინიკა სამი სხვადახვა სპექტრის მომსახურებას შესთავაზებს მომხმარებლებს, მათ შორისაა სტომატოლოგია, კოსმეტოლოგია და ლაზერული ეპილაცია. კლინიკის დამფუძნებლის მარინა მჭედლიძის თქმით, „მედის“ ზუგდიდის ფილიალი მაღალკვალიფიციური სპეციალისტებით დაკომპლექტდა, მათი უმეტესობა კი ადგილობრივია. „მედი“ თანამედროვე მოთხოვნების შესაბამისი აპარატურით და ტექნიკით არის აღჭურვილი. პრეზენტაციის და საზეიმო ლენტის გაჭრის შემდეგ გათამაშება გაიმართა, გამარჯვებულები კი კლინიკის სხვადასხვა მომსახურების ვაუჩერებით დაჯილდოვდნენ. კლინიკა „მედი“ საქართველოში 1998 წლიდან ფუნქციონირებს. ის სანკტ-პეტერბურგსა და პრაღაში წარმატებული „მედი-ესთეტიკის კლინიკათა ჯგუფს“ წარმოადგენს. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/