გრიგოლ ვაშაძის რუსი პიარტექნოლოგის განცხადება

გრიგოლ ვაშაძის რუსი პიარტექნოლოგი ვიტალი შკლიაროვი საქართველოში „ნამდვილ დემოკრატიულ რევოლუციას“ არ გამორიცხავს. „სამი დასკვნა საქართველოს საპრეზიდენტო არჩევნებიდან“, – ამ სათაურით შკლიაროვი რადიოსადგურ „ეხო მასკვის“ ვებგვერდზე სტატიას აქვეყნებს. „არის შანსი, რომ დეკემბერში საქართველოში შეიძლება, სიტუაცია რადიკალურად შეიცვალოს. არის შანსი, რომ მოხდება არა მორიგი „ვარდების რევოლუცია“ ან ხელისუფლების ცვლილება, არამედ ცვლილებების მშვიდობიანი და ნამდვილი დემოკრატიული „რევოლუცია“. რევოლუცია, სადაც ქვედა და ზედა ფენებს უკვე არ შეუძლიათ და არ სურთ ძველებურად ცხოვრება. რევოლუცია, სადაც არ იქნებიან წაგებულები. საქართველო გახდება ახალი ტიპისა და ახალი თაობის კიდევ უფრო ძლიერი დემოკრატიული „სახელმწიფო-სტარტაპი“, თანამედროვე მსოფლიოში კი ეს ერთადერთი გზაა განვითარებისკენ და ყველა მოქალაქის ცხოვრების გაუმჯობესებისკენ“, – წერს შკლიაროვი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.