სალომე ზურაბიშვილი დიპლომატებს შეხვდა

ცოტა ხნის წინ დასრულდა პრეზიდენტ სალომე ზურაბიშვილის შეხვედრა დიპლომატიური კორპუსის წარმომადგენლებთან. ორბელიანების სასახლეში ზურაბიშვილმა ევროკავშირის წევრი ქვეყნების ელჩებს უმასპინძლა. საუბრის მთავარი თემა „უცხოური გავლენის გამჭვირვალობის შესახებ“ კანონპროექტი და მის გარშემო განვითარებული მოვლენები იყო. კანონპროექტის ისევ პარლამენტში დაბრუნებისთვის სალომე ზურაბიშვილმა მმართველი პარტია კიდევ ერთხელ გააკრიტიკა და პროექტს აგენტების კანონი უწოდა. მისივე თქმით, კანონპროექტის დამტკიცების შემთხვევაში, ის ვეტოს უფლებას გამოიყენებს. ამასთან სალომე ზურაბიშვილის კრიტიკის ობიექტი იყო მმართველი პარტიის დამფუძნებელი ბიძინა ივანიშვილიც. პრეზიდენტმა „უცხოური გავლენის გამჭვირვალობის შესახებ“ კანონპროექტის მოწინააღმდეგეებს მხარდაჭერა ამჯერადაც გამოუცხადა და მოქალაქეებს არჩევნებზე აქტიურობისაკენ მოუწოდა. დიპლომატებმა ათონელის რეზიდენცია უკომენტაროდ დატოვეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.