ელიზბარაშვილის ძაღლების თავშესაფრის წინააღმდეგ შეტანილი განცხადების განხილვა საკრებულოში

11.11.2014 02:32

პირველი არხი Georgian Public Broadcaster

არხი

ხმაურით მიმდინარეობს საკრებულოში გარემოს დაცვის კომისიის სხდომა. დეპუტატები თამაზ ელიზბარაშვილის ძაღლების თავშესაფრის წინააღმდეგ შეტანილ განცხადებას განიხილავენ. ამ საჩივარში თავშესაფრის ახლოს მცხოვრები მოქალაქეები ობიექტის გაუქმებას ან სხვა ადგილზე გადატანას ითხოვენ და მიზეზად ხმაურსა და ანტისანიტარიას ასახელებენ. თუმცა საჩივარს არ ეთანხმებიან თავშესაფრის თანამშრომლები, ცხოველთა უფლებების დამცველი ორგანიზაციები და საზოგადოების სხვადასხვა სფეროს წარმომადგენლები, რომლებიც, თავშესაფრის შენარჩუნების მოთხოვნით, საკრებულოს გარეთ, სხდომის პარალელურად, აქციას მართავენ. აქციის მონაწილეთა ნაწილი ცოტა ხნის წინ თვითმმართველობის ორგანოში შევიდა და დაინტერესდა, რატომ დადგა დღის წესრიგში თავშესაფრის შესაძლო გაუქმების საკითხის განხილვა. შეკითხვას სიტყვიერი დაპირისპირება მოჰყვა. გთავაზობთ საზოგადოების დამოკიდებულებას ცხოველების მიმართ აკაკი შენგელიას ტელე-ბლოგში - "საყელურის გარეშე". http://1tv.ge/video/20136

გაზიარება: