სასამართლოს გადაწყვეტილება

„მოძრაობა საქართველოსთვის“ ორი წევრი სასამართლომ ადმინისტრაციული წესით დააჯარიმა. ორგანიზაციის წევრები გუშინ „ქართული ოცნების“ ოფისთან გამართული აქციის დროს დააკავეს. კახა კვეკვესკირს შინაგან საქმეთა სამინისტრო წვრილმან ხულიგნობასა და პოლიციელის კანონიერი მოთხოვნისადმი დაუმორჩილებლობაში ადანაშაულებდა. მას 1100 ლარის გადახდა მოუწევს. ადმინისტრაციული წესით ათასი ლარით დააჯარიმეს მოძრაობის კიდევ ერთი წევრი, დავით დიღმელაშვილი. მას პოლიცია კანონიერი მოთხოვნისადმი დაუმორჩილებლობას ედავებოდა. „მოძრაობა საქართველოსთვის“ წევრები ამბობენ, რომ კანონი არ დაუღრვევიათ და მათი მხრიდან არც უცენზურო შეძახილებს ჰქონია ადგილი. მათივე განცხადებით, „ოცნების“ ოფისთან გამართული აქციის მიზანი,  მმართველი გუნდის წევრებისთვის სირცხვილის დერეფნის მოწყობა იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.