ეპიდემიოლოგიური ვითარება საქართველოში

კოვიდ-19-ით ინფიცირებულთა დღიური მაჩვენებელი ისევ კლებისკენ წავიდა. გუშინდელთან შედარებით, კორონავირუსი თითქმის 700-ით ნაკლებ ადამიანს დაუდასტურდა. მონაცემი 3 000-ს ჩამოსცდა და 14 000-ზე მეტი ტესტის პირობებში 2 345 შეადგინა. ახლა ყველაზე სარისკო მომდევნო ათდღიანი პერიოდია, როცა 28 ნოემბრიდან მოქმედი შეზღუდვები შემსუბუქდება. ეპიდემიოლოგები ვარაუდობენ, რომ თუ სავაჭრო ობიექტებში რეგულაციები და ნაკადები მკაცრად არ იქნება გაკონტროლებული, ვითარება შესაძლოა ისევ უმართავი გახდეს და გაცილებით მკაცრი ზომების მიღება იყოს საჭირო. ინფექციის მართვასა და ეპიდემიოლოგიური სიტუაციასთან დაკავშირებული გადაწყვეტილებების მიღების პროცესში ჩართვას ითხოვს დღეს შექმნილი ახალი სამედიცინო ასოციაცია. ახალ პლატფორმაზე გაერთიანებული ექიმები ინფიცირებულთა მკურნალობის სქემების მიმართ შენიშვნებს გამოთქვამენ და საკოორდინაციო საბჭოს მიმართავენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.