ფსიქოლოგიური ძალადობის სამიზნედ ქცეული ბავშვები

ბავშვზე ფსიქოლოგიური ძალადობისკენ მოწოდება საჯაროდ - გიგი უგულავას მიერ გუშინდელ საპროტესტო აქციაზე გაკეთებულ განცხადებას ოპოზიციიდანაც კი გაემიჯნენ. ოპოზიციონერი ლიდერის თავდასხმის სამიზნედ გლდანის ციხის ხელმძღვანელის მოადგილე და მისი შვილი იქცნენ. უგულავამ სამართალდამცველი ჯალათად გამოაცხადა, მისი შვილის კლასელებს და მეგობრებს კი პრაქტიკულად ბავშვის დაბულინგებისკენ მოუწოდა. არასრულწლოვნის მიმართ ძალადობის წახალისების მოტივით საჯარო მიმართვას უფლებადამცველების მწვავე რეაქციები მოჰყვა. მოწოდება ბავშვის ფსიქოლოგიურ-ემოციური მდგომარეობისთვის საფრთხის შემცველად მიიჩნია სახალხო დამცველმაც. გიგი უგულავამ მოგვიანებით ბოდიში მოიხადა, მანამდე კი ოპოზიციონერი პოლიტიკოსისთვის მისსავე თანამოაზრეებს იმის შეხსენება დასჭირდათ, რომ პოლიტიკური დაპირისპირება ბავშვებს არ უნდა შეეხოთ.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.