სააკაშვილის განცხადება და პოლიტიკური შეფასებები

საქართველოს ყოფილი პრეზიდენტის გამო განმარტების გაკეთება უკვე უკრაინის პირველ დიპლომატს უწევს. დმიტრო კულებას რამდენჯერმე მოუხდა იმის ხაზგასმა, რომ მიხეილ სააკაშვილი უკრაინის ოფიციალური პირი არ არის და შესაბამისად, მისი მოსაზრება ქვეყნის პოზიციას არ გამოხატავს. დიპლომატიური უხერხულობა ამჯერად ექს-პრეზიდენტის იმ განცხადებამ შექმნა, რომლის მიხედვით საქართველოში პრორუსული ხელისუფლების დამარცხება ოფიციალური კიევის ინტერესებშიც შედის. უკრაინის მოქალაქე სააკაშვილის მხრიდან საქართველოსთან დაკავშირებული პოლიტიკური გეგმების გაცხადების გამო უკრაინის ელჩს ზალკალიანის უწყებაში უკვე რამდენჯერმე მოუხდა მისვლა, თუმცა ექს-პრეზიდენტის რიტორიკა მაინც არ იცვლება. შემოდგომაზე საქართველოში გადამწყვეტი ნახტომისთვის მზადება ქართული მართლმსაჯულების მიერ ძებნილად გამოცხადებულმა სააკაშვილმა დღესაც დააანონსა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.