ახალი მინისტრთა კაბინეტი / საქართველოს პოლიტიკური პროცესი საერთაშორისო დღის წესრიგში #LIVE

• საქართველოს ახალი მინისტრთა კაბინეტი ჰყავს - მთავრობის გუნდს ორი მინისტრი ტოვებს; უცვლელი რჩება ძალოვანების და ეკონომიკური გუნდის შემადგენლობა; მმართველი გუნდი განახლებულ მინისტრთა კაბინეტს სამ დღეში, დაჩქარებული წესით დაამტკიცებს; • საქართველოს პოლიტიკური პროცესი საერთაშორისო დღის წესრიგში და დასავლეთის გზავნილები ხელისუფლებასა და ოპოზიციას - აშშ-ის სახელმწიფო დეპარტამენტი და ნატო-ს საპარლამენტო ასამბლეის პრეზიდენტი პარტნიორ ქვეყანაში განვითარებული მოვლენებით შეშფოთებული არიან; პარტნიორები პოლიტიკურ აქტორებს დიალოგის რეჟიმში დაბრუნებისკენ მოუწოდებენ, მოწოდების ადრესატები კი კვლავ ულტიმატუმის ენით საუბრობენ; • ვაქცინის წარმოების ინდუსტრია, „კოვაქს“ პლატფორმა და სამართლიანი განაწილების საკითხი დიდი შვიდეულის ქვეყნების შეხვედრაზე - გაერო-ს ინფორმაციით, ხელმისაწვდომი ვაქცინების 75% მდიდარ ქვეყნებს გადაეცა, მსოფლიოს 130 ქვეყანა კი ვაქცინის გარეშეა, რასაც ორგანიზაციის გენერალური მდივანი უსამართლოს უწოდებს; მსოფლიოს წამყვანი ქვეყნები პირობას დებენ, რომ სამართლიანი განაწილების მიზნით შექმნილ საერთაშორისო მექანიზმში სულ უფრო მეტ თანხებს შეიტანენ; • საქართველოს პირველ არხზე მსოფლიოს ყველაზე პოპულარული და აზარტული მუსიკალური მეგა-შოუ „ვოისი“ იწყება - პროექტის ქართული ანალოგის ჩვენება 20 თებერვლიდან, ყოველ შაბათს, ზუსტად 22 საათზე დაიწყება და მაისამდე გაგრძელდება; კრიტიკოსთა ასოციაციისა და „მაყურებლის რჩეული“ ჯილდოების არა ერთგზის მფლობელი შოუ, რჩეული მწვრთნელები და საუკეთესო გუნდები. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.