Mego ბარში ახალგაზრდული პროექტის პრეზენტაცია გაიმართა

ზუგდიდში, სოციალურ საწარმო „Mego ბარში“ პროექტის ,,რეგიონის ახალგაზრდები-მაღალი კომპეტენციებით“ პრეზენტაცია გაიმართა. შეხვედრაზე დაინტერესებულ პირებს პროექტის მიზნები, სიახლეები და ახალგაზრდულ საქმიანობასთან დაკავშირებით სამომავლო გეგმები გააცნეს. „პროექტის საინფორმაციო შეხვედრები დღეს დასრულდა ზუგდიდში. მსგავსი საინფორმაციო შეხვედრები გვქონდა სამეგრელოს რვავე მუნიციპალიტეტში, სადაც შევხვდით ახალგაზრდებს და ადგილობრივ თვითმმართველობებს გავაცანით პროექტის მიზნები და სამოქმედო გეგმები. ველოდები მაღალ გამოხმაურებას რეგიონის ახალგაზრდებისგან. ამ პროექტისგან, ვფიქრობთ, პირველ რიგში ისინი აქტიური მოქალქეობისთვის საჭირო კომპეტენციებს შეიძენენ“, - აღნიშნა პროექტის ხელძღვანელმა ედუარდ ფარცვანიამ. ღონისძიებას ახლაგაზრდები, არასამთავრობო ორგანიზაციების და ადგილობრივი ხელისუფლების წარმომადგენლები დაესწრნენ. პროექტი ახალგაზრდობის სააგენტოს 2020 წლის საგრანტო კონკურსის ფარგლებში დაფინანსდა, რომელიც ა(ა)იპ ,,ახალგაზრდები სამეგრელოს განვითარებისთვის“ მიერ ხორციელდება და სამეგრელოს რეგიონის 8 მუნიციპალიტეტს მოიცავს. რადიო "ათინათი" Website:http://radioatinati.ge/ Facebook: https://www.facebook.com/Rado.ATINATI Twitter:https://twitter.com/Atinati1059 https://www.instagram.com/radioatinat...