ერაყში, აშშ-ის საკონსულოსთან აფეთქებებს მსხვერპლი მოჰყვა

რამდენიმე აფეთქება მოხდა ერაყში, ქალაქ ერბილში, შეერთებული შტატების საკონსულოსთან. დაღუპულია სულ მცირე 4 ადამიანი, დაშავდა 6 პირი. თავდასხმებზე პასუხისმგებლობა ირანის ისლამური რევოლუციის გუშაგთა კორპუსმა აიღო. ადგილობრივი ხელისუფლების განცხადებით, დაშავებულთა ნაწილი კრიტიკულ მდგომარეობაშია. ერაყის მთავრობა დღეს საგანგებო შეხვედრას გამართავს, რომელიც ირანის მიერ ერაყის ტერიტორიული ხელშეუხებლობის დარღვევასა და ორ ქვეყანას შორის უსაფრთხოების შეთანხმების შეუსრულებლობის საკითხს შეეხება. აშშ-ის სახელმწიფო დეპარტამენტის ცნობით, აშშ მკაცრად გმობს ერბილში ირანის თავდასხმებს და უსამძიმრებს დაღუპულთა ოჯახებს. ირანის რევოლუციის გუშაგთა კორპუსის განცხადების მიხედვით, სარაკეტო დაბომბვის სამიზნე ისრაელის სადაზვერვო სამსახურის ბაზა იყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.