პრემიერის სამძიმარი ლექსო ლაშქარავას ოჯახს

ირაკლი ღარიბაშვილი ოპერატორ ლექსო ლაშქარავას გარდაცვალების გამო ოჯახს და ახლობლებს უსამძიმრებს. როგორც პრემიერ- მინისტრი წერს, შინაგან საქმეთა სამინისტრომ დაიწყო გამოძიება და საზოგადოებას ამ ფაქტთან დაკავშირებით უმოკლეს ვადებში მიეწოდება სრულყოფილი ინფორმაცია: “ეს არის წარმოუდგენელი ტრაგედია. ამ მძიმე წუთებში თანადგომას ვუცხადებ ოჯახს, ახლობლებს, „ტვ პირველის“ კოლექტივს და მთელ მედია საზოგადოებას“, – წერს ირაკლი ღარიბაშვილი. “ტვ პირველის” ოპერატორის, გარდაცვალების გამო მწუხარებას გამოთქვამს ასევე ვიცე-პრემიერი დავით ზალკალიანი: „ვუსამძიმრებ ოჯახის წევრებს, მეგობრებს, კოლეგებს ამ უდიდეს ტრაგედიას. დარწმუნებული ვარ, გამოძიების შედეგად გაირკვევა სიმართლე და აღარასოდეს განმეორდება ტრაგედია, რომელმაც ასეთი დიდი ზიანი მიაყენა ჩვენს საზოგადოებას და მთლიანად ქვეყანას. ადამიანის სიცოცხლეზე ძვირფასი არაფერია, ყველა უნდა გავუფრთხილდეთ ერთმანეთს“, – წერს საგარეო საქმეთა მინისტრი ფეისბუქზე. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.