საგანგებო შტაბის შეხვედრა ჯანდაცვის სამინისტროში

რა პრევენციულ ღონისძიებებს მიმართავს საქართველო, კორონავირუსის გავრცელების თავიდან ასაცილებლად. ამ წუთებში ჯანდაცვის სამინისტროში საგანგებო შტაბის შეხვედრა დახურულ კარს მიღმა მიმდინარეობს. დამატებითი ინფორმაცია, სავარაუდოდ, მოგვიანებით გახდება ცნობილი. რაც შეეხება უკვე დაგეგმილ ღონისძიებებს, საქართველოს აეროპორტებში და სასაზღვრო პუნქტებში, კორონავირუსის პრევენციის მიზნით, საინფორმაციო კამპანია იწყება. ჩინეთიდან შემოსული მგზავრების სკრინინგი სპეციალური კითხვარის საშუალებით განხორციელდება. დარიგდება შესაბამისი ფლაერები, რომლებიც სამ ენაზე დაიბეჭდა. იმის მიუხედავად, რომ საქართველო კორონავირუსის გავრცელების ე.წ. მწვანე, ანუ დაბალი რისკის ზონაშია, ინფექციის შემოტანის საშიშროება მაინც არსებობს, რისთვისაც ქვეყანამ შესაბამისი პრევენციული ზომები მიიღო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.