კახა მიქაია: ყოფილი პოლიციელი „შეჭმით“ და განადგურებით მემუქრება

"დაიცავი საქართველოს" ხელმძღვანელმა კახა მიქაიამ ზუგდიდში საგანგებო ბრიფინგი გამართა. მისი თქმით, გუშინ, საღამოს ქალაქის ცენტრში მასსა და ყოფილ პოლიციელ ზაზა ხასაიას შორის სიტყვიერი დაპირისპირება მოხდა. "შეხვედრისთანავე ჩვენს შორის დაიწყო სიტყვიერი დაპირისპირება, მერე ეს გადაიზარდა გაწევ-გამოწევაში, მას უნდოდა ხელით შემხებოდა, რომელიც სხვათაშორის მისმა მეგობრებმა აღკვეთეს. ბოლოს, მან მითხრა: "მალე მოვა დრო და შეგჭამ, გაგანადგურებო". ეს უკავშირდება, იმას რომ ზონდერებს სანდრა რულოვსის წარდგენის შემდეგ, "ნაციონალების" გამარჯვების იმედი აქვთ, და ეს "ქართული ოცნების" დაბალი რეიტინგის ბრალია", - განაცხადა მიქაიამ. მისივე ინფორმაციით, ყოფილ პოლიციელსა და მას შორის დაპირისპირება წლებია გრძელდება. "ეს იყო ზონდერი პოლიციელი და მან არჩევნების შემდეგ კვლავ მოინდომა სამართალდამცავად ყოფნა, რაც მე და ჩემმა მეგობრებმა არ დავუშვით, სწორედ ამ დაპირისპირების გაგრძელება იყო წუხანდელი ინციდენტი", - დასძენს ის. "დაიცავი საქართველოს" დამფუძნებელი ამბობს, რომ თუ მსგავსი ინციდენტი განმეორდება, ის ამ შემთხვევაში პასუხისმგებლობას სამართალდამცავებს დააკისრებს. რადიო "ათინათმა" მცდელობის მიუხედავად ზაზა ხასაიასთან დაკავშირება ვერ მოახერხა. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/