რუსეთის საომარი მოქმედებები უკრაინაში

ცოტა ხნის წინ, უკრაინის მასშტაბით საჰაერო თავდასხმის მანიშნებელი განგაში გამოცხადდა. როგორც კიევში აცხადებენ, ეს სავარაუდოდ, უკავშირდება რუსეთის სტრატეგიული ბომბდამშენების გააქტიურებას. პარალელურად, უკრაინის სამხრეთსა და აღმოსავლეთ ნაწილში ინტენსიური საბრძოლო მოქმედებები გრძელდება. დილიდან კვლავაც ისმოდა აფეთქებების ხმა ხერსონის ოლქში. რთული ვითარებაა ქალაქ ბახმუტთან, რომლის დაკავებასაც რუსეთის არმია და კერძო სამხედრო კომპანია „ვაგნერის“ მებრძოლები ერთობლივი ძალებით ცდილობენ. ამასთან, უკრაინის გენშტაბის ცნობით, ბოლო 24 საათში, უკრაინის არმიამ რუსი ოკუპანტების მიერ 5 მიმართულებით წამოწყებული 85 შეტევის მცდელობა მოიგერია. უკრაინის პრეზიდენტმა თავის ტრადიციულ ვიდეომიმართვაში გუშინ რუსეთის მიერ ზაპოროჟიეზე მიტანილ საჰაერო იერიშზე ისაუბრა. მან კიდევ ერთხელ უწოდა რუსეთს ტერორისტი სახელმწიფო, რომელიც განზრახ ბომბავს მშვიდობიან მოქალაქეებს. ამასთან, ზელენსკიმ მხარდამჭერებს მადლობა გადაუხადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.