შაქარაშვილის მკვლელობის საქმე

გიორგი შაქარაშვილის საქმეზე ჯგუფურ ძალადობაში ბრალდებული ირაკლი წაქაძე ერთადერთია დაკავებულთაგან ვინც დანაშაულს ნაწილობრივ აღიარებს. მისი ადვოკატის თქმით, წაქაძე ჩხუბში იძულებით ჩაერთო. დანარჩენი ბრალდებულების ნაწილი დუმილის უფლებას იყენებს, ნაწილი კი თავს საერთოდ არ ცნობს დამნაშავედ. თბილისის საქალაქო სასამართლოში გამართულ სხდომაზე დღეს 11 პირის მიმართ აღკვეთის ღონისძიების სახით შეფარდებული პატიმრობის გადახედვაზე იმსჯელეს. ადვოკატები გირაოს გამოყენებას ითხოვდნენ. პროკურატურის წარმომადგენლებმა კი განაცხადეს, რომ დაკავებული პირები კვლავ პატიმრობაში უნდა დარჩნენ, რადგან არსებობს მიმალვის და მოწმეებზე ზემოქმედების საფრთხე. საბოლოოდ მოსამართლემ ბრალდების მხარის პოზიცია გაიზიარა და 11-ვე პირი პატიმრობაში დატოვა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.