გამოფენა „აღმოსავლურ-დასავლური დივანი-მუშტაიდის სასახლის დეკორი“

1 ოქტომბერს, საქართველოს ხალხური და გამოყენებითი ხელოვნების სახელმწიფო მუზეუმში გაიხსნა გამოფენა - „აღმოსავლურ-დასავლური დივანი - მუშტაიდის სასახლის დეკორი“. ღონისძიებას დაესწრნენ საქართველოს კულტურისა და ძეგლთა დაცვის მინისტრი მიხეილ გიორგაძე, საქართველოს ხალხური და გამოყენებითი ხელოვნების სახელმწიფო მუზეუმის დირექტორი ირინე კოშორიძე, მუზეუმთან არსებული სახვითი ხელოვნების საერთაშორისო სამეცნიერო ცენტრის ხელმძღვანელი ნინო სიმონიშვილი, კემბრიჯის უნივერსიტეტის პემბროკის ირანული კვლევების ცენტრის სამეცნიერო ხელმძღვანელი ფირუზა მელვილი და სხვა მოწვეული სტუმრები. გამოფენის ფარგლებში ნარმოდგენილია საქართველოს ხალხური და გამოყენებითი ხელოვნების სახელმწიფო მუზეუმისა და საქართველოს ეროვნული მუზეუმის კოლექციებიდან შერჩეული ექსპონატები, მათ შორის XIX საუკუნის I ნახევრის გავლენიანი პოლიტიკური ფიგურების პორტრეტები, დეკორატიულ-გამოყენებითი ხელოვნების ნიმუშები, ცნობილი ირანელი სასულიერო პირის აყა მირ ფათაჰ მუჯთაჰიდის (1794-1852) სასახლის დეკორი და სხვა. პროექტი განხორციელდა ილიას სახელმწიფო უნივერსიტეტის გ. წერეთლის აღმოსავლეთმცოდნეობის ინსტიტუტისა და კემბრიჯის უნივერსიტეტის (დიდი ბრიტანეთი) პემბროკის ირანული კვლევების ცენტრის მხარდაჭერით. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045