ეპიდემიოლოგიური ვითარება საქართველოში

51 ათასზე მეტი ინფიცირებული ჰყავს ამჟამად ქვეყანას, მათგან 1667 პაციენტის შემთხვევაში, ვირუსი მძიმე ფორმით მიმდინარეობს. 390 პირს კი დამოუკიდებლად სუნთქვა არ შეუძლია და რეანიმაციულ განყოფილებაში უწევს მკურნალობა. ისევ შემაშფოთებელია გარდაცვალების მაჩვენებლები. გასული დღე-ღამის მანძილზე, ინფექციას კიდევ 76 ადამიანის სიცოცხლე ემსხვერპლა. სულ ვირუსის გავრცელებიდან დღემდე, „კოვიდ 19“-ით საქართველოში 11 498 ადამიანი დაიღუპა. სიკვდილიანობის მაჩვენებელი განსაკუთრებით ბოლო ორ კვირაში გაიზარდა. მაღალია ინფიცირების შემთხვევების რაოდენობაც. ახალი მონაცემებით, ვირუსი კიდევ 3 357 მოქალაქეს დაუდასტურდა. აქედან თბილისში აღრიცხულია 1 415 შემთხვევა, აჭარა - 106, იმერეთი - 621, ქვემო ქართლი - 173, შიდა ქართლი - 242, გურია - 95, სამეგრელო - ზემო სვანეთი -260, კახეთი - 253, მცხეთა-მთიანეთი - 85, სამცხე-ჯავახეთი - 83, რაჭა-ლეჩხუმსა და ქვემო სვანეთში კი გასული დღის მანძილზე, ვირუსით ინფიცირების 24 ახალი შემთხვევა გამოვლინდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.