საქართველო და მსოფლიო უეფა-ს გადაწყვეტილების მოლოდინშია

საქართველო და მსოფლიო უეფა-ს გადაწყვეტილების მოლოდინშია. დღეს გადაწყდება „ევრო 2020“-ის პლეი-ოფის შეხვედრების, მათ შორის, 26 მარტს თბილისში, „დინამო არენაზე“ გასამართი საქართველო-ბელარუსის მატჩისა და პლეი-ოფის ყველა მატჩთან დაკავშირებული გადაწყვეტილებები. ამ დრომდე არსებული შეზღუდვები კორონავირუსის საფრთხით არის გამოწვეული. საქართველოს ფეხბურთის ფედერაციის პოზიცია წინასწარაა ცნობილი – მოთამაშეთა უსაფრთხოებისა და ჯანმრთელობის ინტერესებიდან გამომდინარე, ისინი საქართველო-ბელარუსის მატჩის უსაფრთხო პერიოდისთვის გადადებას ითხოვენ. დღეს ვიდეოკონფერენცია გაიმართება, რომელშიც უეფა-ს წევრი 55 ქვეყნის წარმომადგენელია მიწვეული, მათ შორის საქართველოს ფეხბურთის ფედერაციის ხელმძღვანელობაც არის. ცნობილია, რომ ევროპული ფეხბურთის მმართველმა ორგანომ 14 მარტიდან 14 აპრილამდე დაგეგმილი 17 და 19-წლამდე საფეხბურთო ნაკრებთა ელიტრაუნდის მატჩები, ასევე ასაკობრივი გუნდების ტურნირები გაურკვეველი ვადით გადადო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.