ქვის იარაღის დამზადების ტექნოლოგია

მას შემდეგ, რაც ერთი ქვის მეორეზე დარტყმით ქვამ იარაღის ფორმა მიიღო, დედამიწაზე ცხოვრების ნირი სამუდამოდ შეიცვალა. ეს იყო ტექნიკის სამყაროში ადამიანის მოგზაურობის პირველი ნაბიჯი. იარაღის პირველი დამამზადებლები, ჰომო ჰაბილისები იყვნენ. იარაღების დახვეწა და ხარისხის გაუმჯობესება დიდი ხნის განმავლობაში ხდებოდა. ნამარხის მსგავსად, ქვის იარაღიც შეიძლება დავათარიღოთ იმ დანალექი ქანების გეოქიმიური ანალიზით, რომლებშიც ისინია ჩარჩენილი. ყველაზე ძველი ქვის იარაღი თარიღდება 2.5 მილიონი წლით და ნაპოვნია აღმოსავლეთ აფრიკაში. ხოლო ტანზანიაში, ოლდუვაის ხეობაში, 2 მილიონი წლით დათარიღებულ ფენაში, ლუის და მერი ლიკების მიერ აღმოჩენილია ათასობით ქვის იარაღი. კალიფორინიის უნივერსიტეტის პროფესორი, ანთროპოლოგი ტიმ ვაითი ამტკიცებს, რომ ქვის იარაღი, რომელიც მის ხელთაა, ნამდვილად ვიღაცის მიერ არის დამზადებული 1.8 მილიონი წლის წინ, ამას ის ადასტურებს ორ ფაქტზე დაყრდნობით: 1. ეს მასალა აღმოჩენილია ისეთ ფენებში, რომ იქ, უეჭველია, ვიღაცამ მიიტანა. 2. ამ ნახელავს აქვს ბასრი კიდე და ნაწიბურები, რაც იმას, ნიშნავს, რომ ქვას ამგვარი ფორმა შეიძლებოდა მიეღო მეორე ქვის მასზე რამდენჯერმე დარტყმის შედეგად. პროფესორი თვლის, რომ ამ სახის ქვის იარაღი პირველია, საიდანაც დაიწყო ტექნოლოგიური განვითარება. ვიდეოს წყარო:    • Stone Tool Technology of Our Human An...