კატალოგი - „გერმანელი მხატვრები და კავკასია“

5 ოქტომბერს, კულტურის სამინისტროში გაიმართა საქართველოს კულტურისა და ძეგლთა დაცვის სამინისტროს მხარდაჭერით გამოცემული კატალოგის - „გერმანელი მხატვრები და კავკასია“ პრეზენტაცია. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე და ხელოვნების სასახლის დირექტორი გიორგი კალანდია გაუძღვნენ. საქართველოს ხელოვნების სასახლის მიერ გამოცემულ ალბომში - „გერმანელი მხატვრები და კავკასია“ თავმოყრილია ხელოვნების სასახლეში, საქართველოს ეროვნულ მუზეუმში, ზუგდიდის დადიანების სასახლეებში და კერძო პირების კოლექციებში დაცული ნახატებისა და ფოტოპროდუქციების კოლექციები, რომელთა უმეტესობაც პირველად დაიბეჭდა. ეს არის პირველი შემთხვევა, როდესაც ერთ კატალოგში თავმოყრილია ასეთი რაოდენობის ნამუშევარი. ალბომში წარმოდგენილია გერმანელი მხატვრების: პაულ ფონ ფრანკენის (1818-1884), ჰელენ კიობერის (1825-?), ფრიდრიხ ფრიშის (1813-1886), ფრანც კრიუგერის (1797-1857) და სხვა მნიშვნელოვანი ხელოვანების ნამუშევრები. გერმანელი მხატვრების ნახატები ისტორიულ ფაქტებს გადმოსცემენ და ეროვნული მნიშვნელობის საგანძურს წარმოადგენენ. თითოეული მხატვარის მოგზაურობას კავკასიაში განსაკუთრებული მისია ჰქონდა. მაგ: ფრიდრიხ ფრიში ჯერ დარმშტადტის, შემდეგ კი რუსეთის საიმპერატორო კარის მხატვარი იყო, რომელმაც ალექსანდრე II-სთან ერთად კავკასიაში მოგზაურობის ყველა ღირსშესანიშნავი მოვლენა ქაღალდზე გადაიტანა. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045