ვითარება საოკუპაციო ზოლთან

საოკუპაციო ხაზის მიმდებარედ არსებულ ვითარებას საგარეო საქმეთა სამინისტრო კიდევ ერთხელ ეხმაურება. უწყების განცხადებაში წერია, რომ ე.წ. გადასასვლელი პუნქტების დახურვა, მოსახლეობას სრულ იზოლაციაში აქცევს და ადგილზე ჰუმანიტარული კრიზისის გამოწვევის საფრთხეს ქმნის. ეს საოკუპაციო რეჟიმის მიზანმიმართული პოლიტიკის ნაწილს წარმოადგენს, აგრესიული ქმედებებითა და პროვოკაციებით ადგილზე ვითარების დესტაბილიზაცია მოახდინოს. ამავე ამოცანას ემსახურება აგრეთვე საოკუპაციო ძალების მიერ, სოფელ ჩორჩანას სიახლოვეს მდებარე მაღლობის დაკავება, იქ ე.წ. საზღვრის აღმნიშვნელი ნიშნის განთავსება და ე.წ. საგუშაგოს განლაგებისთვის, სამუშაოების დაწყება. საგარეო საქმეთა სამინისტრო მოუწოდებს რუსეთის ფედერაციას და მის საოკუპაციო რეჟიმს ცხინვალში, დაუყოვნებლივ შეწყვიტონ პროვოკაციული მოქმედებები და ადგილობრივი მოსახლეობის თავისუფალი გადაადგილება უზრუნველყონ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.