პრეზიდენტის და ოპოზიციის გეგმები

არაპირდაპირი წესით არჩეული პრეზიდენტის ინაუგურაციამდე ექვსი დღე რჩება. სწორედ ექვს დღიანი ვადა მისცა საქართველოს მოქმედმა პრეზიდენტმა „ქართული ოცნების“ ხელისუფლებას და რუსთაველის გამზირზე მიმდინარე საპროტესტო აქციაზე განაცხადა, რომ ხელახალი არჩევნების ჩატარების თარიღი 29 დეკემბრამდე უნდა გამოცხადდეს. სალომე ზურაბიშვილმა არჩევნების თარიღზე მოლაპარაკების მიზნით „ქართული ოცნების“ საპატიო თავმჯდომარე ბიძინა ივანიშვილი ორბელიანების სასახლეშიც მიიწვია. სალომე ზურაბიშვილის მსგავსად, მოქმედ პრეზიდენტის ინსტიტუტს ერთადერთ ლეგიტიმურ ინსტიტუციად აცხადებს ბარიერგადალახული ოპოზიცია. ხელისუფლების ოპონენტები პრეზიდენტის სრულ მხარდაჭერას უცხადებენ და გამოსავალს ისინიც ხელახალ არჩევნებში ხედავენ. მოვლენების მსგავს განვითარებას კატეგორიულად გამორიცხავენ „ქართულ ოცნებაში“. მმართველ პარტიაში 26 დღიანი პროტესტის მიუხედავად ხაზგასმით აცხადებენ, რომ ხელახალი არჩევნები არ ჩატარდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.