პაატა ბურჭულაძემ განმუხურში დეპუტატობის კანდიდატები დაასახელა

პაატა ბურჭულაძემ განმუხურის ამფითეატრში პარტიის "სახელმწიფო ხალხისთვის" იმერეთის, გურიის და სამეგრელოს რეგიონის მუნიციპალიტეტებისა და ქალაქების მაჟორიტარი დეპუტატობის კანდიდატები წარადგინა. სამეგრელოს რეგიონში კანდიდატები იქნებიან: ქალაქ ზუგდიდი – ვახტანგ ცხადაია, ზუგდიდის მუნიციპალიტეტი – ბესიკ თოდუა, წალენჯიხა-ჩხოროწყუ – გიორგი ხარჩილავა, სენაკი – გურამ მისაბიშვილი; ხობი კახა ნადარაია; მარტვილი-აბაშა – დავით თოფურია და ქალაქ ფოთი -კოტე კემულარაია. რაც შეეხება, მესტიას, ამბროლაურს, ონს, ლენტეხსა და ცაგერს აქ მაჟორიტარი დეპუტატობის კანდიდატი როსტომ ცხვედიანი იქნება. ბურჭულაძის განცხადებით, მისი პარტიის სახით, ქვეყანაში არსებობს პოლიტიკური ძალა, რომელიც საქართველოს გამთლიანებას შეძლებს. "სახელმწიფო ხალხისთვის" დამფუძნებელმა სიტყვით გამოსვლისას, აფხაზებსაც მიმართა და აღნიშნა, რომ მათ შეუძლიათ მისი პარტიის ნდობა. ცნობისთვის, საქართველოში საპარლამენტო არჩევნები 8 ოქტომბერს გაიმართება. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/