უკრაინის პრეზიდენტის მართვა

„რუსეთის ენერგეტიკული ტერორის გაძლება ჩვენი ეროვნული ამოცანაა“, – განაცხადა უკრაინის პრეზიდენტმა მორიგ ვიდეომიმართვაში. ზელენსკის თქმით, რუსეთს არ შეუძლია უკრაინა ბრძოლის ველზე დაამარცხოს და ამიტომ ცდილობს უკრაინელი ხალხის სულისკვეთება გატეხოს. პრეზიდენტის ინფორმაციით, მხოლოდ გუშინ საღამოს, უკრაინაში დენის გარეშე ოთხნახევარი მილიონი მოქალაქე იყო დარჩენილი. მან მოუწოდა ადგილობრივი ხელისუფლების წარმომადგენლებს, გააკონტროლონ ელექტროენერგიის გამოყენება. პრეზიდენტმა ასევე მოუწოდა ენერგოკომპანიებს, უკეთ აუხსნან მოქალაქეებს, თუ რატომ ითიშება დენი მათ ქუჩაზე და ასევე დააწესონ მიწოდების სამართლიანი გრაფიკი. ზელენსკიმ რუსეთის ტყვეობიდან გათავისუფლებულ 107 უკრაინელს სახლებში დაბრუნება მიულოცა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.