პრეზიდენტის მიმართვა დემოკრატიის სამიტზე

საქართველოს პრეზიდენტმა დემოკრატიის ვირტუალურ სამიტს, რომელიც ამერიკის შეერთებული შტატების პრეზიდენტის, ჯო ბაიდენის ინიციატივით იმართება, სიტყვით მიმართა. სალომე ზურაბიშვილმა ამერიკის პრეზიდენტს მნიშვნელოვანი სამიტის ინიცირებისთვის მადლობა გადაუხადა, გადაუჭრელი კონფლიქტების, ტერიტორიული დავების, ოკუპაციისა და გაყინული კონფლიქტების პრობლემაზე ისაუბრა, რომელიც მისი თქმით, დემოკრატიზაციის პროცესსაც ხელს უშლის. სალომე ზურაბიშვილმა შიდა პოლიტიკურ პროცესებზე და ქვეყანაში მაღალი პოლარიზაციით გამოწვეულ პრობლემებზეც გაამახვილა ყურადღება. პრეზიდენტმა საერთაშორისო პარტნიორების წინაშე პირობა დადო, რომ წამოიწყებს ფართო საზოგადოებრივ საუბარს ეროვნული მასშტაბით, იმისთვის, რომ ქვეყანამ უახლესი ისტორიის საერთო აღქმას მიაღწიოს და წინ წავიდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.