კორონავირუსით დაინფიცირებული საქართველოს მოქალაქეების მდგომარეობა

კორონავირუსით დაინფიცირებული საქართველოს მოქალაქეები თავს კარგად გრძნობენ და მათი მდგომარეობა დამაკმაყოფილებელია. ქვეყანაში ამ დროისთვის, „კოვიდ 19“-ის სულ სამი დადასტურებული შემთხვევაა, მათგან ბოლო, რამდენიმე საათის წინ გახდა ცნობილი. კორონავირუსი ახალგაზრდა მამაკაცს გამოუვლინდა, რომელიც პირველი შემთხვევის მსგავსად, ირანში, ქალაქ ყუმში იმყოფებოდა. ორივე მამაკაცის შემთხვევაში, პროცესი მსუბუქ ფორმაში მიმდინარეობს. ტემპერატურა არცერთს აღენიშნება. გართულებების გარეშე, მხოლოდ დაბალი სიცხით აქვს გამოვლენილი ვირუსი ახალგაზრდა ქალსაც, რომელიც იტალიიდან რამდენიმე დღის წინ დაბრუნდა. სამივე პაციენტი თბილისის ინფექციურ საავადმყოფოშია. კლინიკაში რჩება ასევე კარანტინში მყოფი 34 მოქალაქე. მათგან 20-ის გამოკვლევების პასუხები ცნობილი, სავარაუდოდ, დღის ბოლომდე გახდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.